Partnyor

Haqqımızda Missiyamız Fəaliyyətimiz Partnyorlar

İnkişaf Korporasiyası

“İnkişaf Korporasiyası” Qapalı Səhmdar Cəmiyyəti dövlət və özəl qurumların inkişafı üçün həllərin yaradılması və həyata keçirilməsi məqsədilə təsis edilmiş və 17 sentyabr 2020-ci ildə qeydiyyata alınmışdır. “Milli Təhsil Texnologiyaları Mərkəzi” İctimayi Birliyinin heyəti tərəfindən yaradılan “İnkişaf Korporasiyası” dövlət və özəl sektorun inkişafında ən etibarlı təşkilat olmaq üçün fəaliyyətə başlamışdır. “Milli Təhsil Texnologiyaları Mərkəzi” (MTTM) Azərbaycan Respublikası Ədliyyə Nazirliyi tərəfindən 29 Avqust 2013-cü il tarixində qeydə alınmışdır. 19 May 2014-cü ildən etibarən Azərbaycan Respublikası Təhsil Nazirliyi ilə MTTM arasında anlaşma memorandumu imzalanıb. Təhsil Nazirliyi 2014-cü ildən etibarən MTTM ilə birgə “Sağlam təhsil-sağlam millət” layihəsi çərçivəsində əhəmiyyətli işlər həyata keçirib. Layihənin əsas vəzifələri uşaq və yeniyetmələrin fiziki-psixi sağlamlığının qorunmasına xidmət edən sağlam təhsil texnologiyalarını işləyib hazırlamaq, bu texnologiyaları tətbiq etmək, uşaq və yeniyetmələrdə milli mənəvi dəyərlərin formalaşdırılmasını təmin edəcək təlim mühitinin yaradılması işinə töhfələr verməkdən ibarətdir.

Digər partnyorlar

Kiçik və Orta Biznesin İnkişafı Agentliyi (KOBİA)

Azərbaycan Respublikasının Kiçik və Orta Biznesin İnkişafı Agentliyi (KOBİA) Azərbaycan Respublikası Prezidentinin 28 dekabr 2017-ci il tarixli Fərmanı ilə yaradılıb. Dövlət başçısının 26 iyun 2018-ci il tarixli Fərmanı ilə Agentliyin nizamnaməsi və strukturu təsdiq edilib. Agentlik ölkədə kiçik və orta biznesin inkişafını dəstəkləyən, KOB subyektlərinə bir sıra xidmətlər göstərən, dövlət orqanlarının bu sahədə xidmətlərinin əlaqələndirilməsini və tənzimlənməsini həyata keçirən publik hüquqi şəxsdir və İqtisadiyyat Nazirliyinin tabeliyində fəaliyyət göstərir. Agentliyin fəaliyyətinə rəhbərliyi 7 nəfərdən ibarət Müşahidə Şurası həyata keçirir. Agentliyin Müşahidə Şurası Azərbaycan Respublikasının maliyyə, əmək və əhalinin sosial müdafiəsi və kənd təsərrüfatı nazirlərinin müavinlərindən, İqtisadiyyat Nazirliyi yanında Dövlət Vergi Xidmətinin nümayəndəsindən, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi sədrinin müavinindən və Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidentindən ibarətdir. Agentliyin Müşahidə Şurasının sədri iqtisadiyyat naziridir.

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi

Dövlət Məşğulluq Agentliyi (Agentlik) ölkədə əmək münasibətlərinin inkişafı və tam məşğulluğun təmin edilməsi istiqamətində dövlətin iqtisadi və sosial siyasətini icra etmək məqsədilə Azərbaycan Respublikası Əmək və Əhalinin Sosial Müdafiəsi Nazirliyi (ƏƏSMN) tabeliyində yaradılan publik hüquqi şəxsdir. Müstəqil Azərbaycan tarixində əhalinin məşğulluğunu təmin etmək məqsədilə yaradılan ilk qurum 12 iyun 1991-ci il tarixli 211 nömrəli Qərarına müvafiq olaraq 1 avqust 1991-ci ildə fəaliyyətə başlayan Baş Məşğulluq idarəsi olmuşdur. Azərbaycan Respublikasının vətəndaşlarına xidmətin zəruriliyi nəzərə alınaraq, 16 fevral 2011-ci ildə ƏƏSMN yanında Baş Məşğulluq İdarəsinin bazasında ƏƏSMN yanında Dövlət Məşğulluq Xidməti yaradıldı. Növbəti 10 iI ərzində Xidmətin fəaliyyəti daha da şaxələnərək və miqyası genişlənərək 30 dekabr 2019-cu ildə Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin əsasında Dövlət Məşğulluq Agentliyi publik hüquqi şəxsi yaradıldı.

PASHA Holding

2006-cı ilin noyabr ayında yaradılan, baş ofisi Bakıda yerləşən "PAŞA Holding" MMC fəaliyyət göstərdiyi illər ərzində Azərbaycanın ən öndə gedən və korporativ idarəetmə təcrübəsini öz fəaliyyətində rəhbər tutan milli özəl biznes qruplarından birinə çevrilib. Holdinqin əsas investisiyaları maliyyə xidmətləri - bankçılıq və sığorta, tikinti, turizm və daşınmaz əmlak kimi qeyri-neft sektorlarında cəmlənib. Bir neçə il ərzində Holdinq, səhmdarların Korporativ Dəyərlərini və Baxışını nəzərə alaraq uğurlu korporativ idarəetmə təcrübəsi, biznes diversifikasiyasının tətbiqi və regional genişlənmə strategiyası sayəsində regionun mühüm və çoxtərəfli investisiya şirkətinə çevrilib.